JINSI JENGO LA BWENI LILIVYOPOROMOKA NIKIWA NDANI YA DARI.

"Nilikaa katika dari nikichaji simu yangu. Nilisikia miungurumo kwa mbali, nikidhania huenda bi gari linapita barabarani huko nje. Lakin baada ya sekunde kadhaa, haikuwa miungurumo ya kawaida. Punde si punde, miungurumo ilizidi kuwa mikubwa.."

Bwana Yesu asifiwe sana., 
Naitwa FELIX NTIRUBAZA (Kigoma, Tanzania) ilikuwa ni septemba 2016. Siku moja siku ya jumamosi mchana, mimi na wanafunzi wenzangu wachache, tulikuwa na kipindi cha vitendo maabara (Ilikuwa shule ya sekondari ya wavulana ya Ihungo, Bukoba mjini). Baada ya kujifunza mida ya saa kumi alasiri, nilishuka mpaka bwenini ili nikapumzike. Bwenini pale, kulikuwa na wenzangu wachache walokuwa wakifanya maongezi tu ya kawaida. Nilifika kitandani kwangu (nilikuwa nalala kitanda cha chini) na kulala. Baada ya kujilaza tu, wazo liliniingia kusema kwamba niende mjini. Lakin nililipinga wazo hilo kwakuwa sikuwa na ratiba yoyote ya kwenda mjini wala sikuwa na jambo lolote la kwenda kufanya mjini. Nadhiri iliendelea kunisihi niamke niondoke niende mjini lakin mwili uligoma sababu ya uchovu, nikaendelea kulala. Baadae, wazo lilibadilika na kuniambia nipande juu ya dari (kwa kuwa tulikuwa tukichaji simu huko ili waalimu wasitubaini pindi wanapofanya ukaguzi) .

Niliamka na kuchukua simu yangu na chaja, kisha nikapanda juu ya dari kupitia tundu tulilokuwa tumetoboa katika pembe ya jengo. Jengo lilikuwa kubwa na refu kwenda juu. Pia lilijengwa kwa mawe. Baada ya kufika huko ndani, nilikaa katika ubao wa kenji na kuchomeka simu katika kebo. Cha ajabu, sikuweza kuiacha simu na kushuka chini, badala yake, niliwasha simu na kuanza kuvinjari mitandaoni. Baada ya kama dakika 10 hivi, Nilianza kusikia miungurumo kwa mbali, nikidhania huenda bi gari linapita barabarani huko nje. Lakin baada ya sekunde kadhaa, haikuwa miungurumo ya kawaida. Punde si punde, miungurumo ilizidi kuwa mikubwa. Ghafla ,ule ubao wa kenji niliokuwa nimekalia, ulianza kutetema na mabati yalianza kupiga kelele kana kwamba gharika ya mawe ilikuwa inamwagwa juu ya paa.Moyo uliruka na kupaniki. 

Sikuwa naelewa kilichokuwa kinaendelea. mitetemo iliendelea kuwa mikubwa na jengo likaanza kuporomoka. Ninachokumbuka tu, ni kuwa ,nilikuwa naanguka chini afu nimezungukwa na mawe, vumbi, mbao, misumari na kila kitu wakati naporomoka kutoka katika jengo hilo refu. Baada ya sekunde chache ,nilijikuta nimesimama mbali nikiangalia nyuma jinsi wanafunzi wenzangu wakilia na kukimbia huku na huko. 

Sikuelewa nilirushwaje mpaka ile sehemu niliyokuwa. Jengo lilianguka. Nilirejea kuongalia wenzangu wale niliowaacha ndani wakifanya maongezi walivyojeruhiwa vibaya. Wengine walipondwa na mwenzangu aliyekuwa analala kitanda changu cha pembeni alivunjika mgongo. Kitanda changu nilichokuwa nimelalia kabla sijapanda darini, kilifunikwa na kifusi cha mawe na kupindwa japokuwa kilikuwa ni kitanda cha chuma. Lakini mimi mpaka mwisho, hakuna jiwe lililonigusa. sikuwa najeraha wala mchubuko katika ngozi. Namtukuza Mungu sana. Mungu akubariki sana.

 


#################### 

JE, UNA USHUHUDA AMBAO UNGEPENDA TUUCHAPISHE?? 
 Fanya hivyo ili maelfu wajue mambo ambayo MUNGU alikutendea na kupitia ushuhuda wako  maelfu ya wasomaji  watayashuhudia matendo ya  Mungu uliyenaye. 
Endapo unao Ushuhuda tafadhali BOFYA HAPA

 


 




 

Comments

Post a Comment

Popular posts from this blog

SAFARI YANGU YA WOKOVU

Image
  YESU ASIFIWE SANA... Nimekuwa nikikutana na jumbe za watu wakitaka niwaeleze niliokokaje? Nikashindwa kumjibu mmoja mmoja badala yake nikawa nikiwaambia nitawajibu siku. Leo ninalitimiza hilo. Kwa majina naitwa Annah steven Tewele, mwenyeji wa mkoa wa Iringa lakini kwa sasa naishi Dodoma kimasomo. Mama yangu Veronica Sanga  aliokoka  kitambo sana hata kabla hajaolewa. Enzi za ubinti wake alikuwa mtumishi wa Mungu mzuri hasa kwenye eneo la maombi. Mpaka akatuzaa watoto 4, mimi nikiwa second born, tangu udogo tulikukulia kwenye wokovu wa kurithi kwa mzazi (mama). Tusipoenda kanisani viboko, Hivyo tulikuwa tunakwenda vipindi vya watoto kila jumamosi na jumapili. Nikiwa darasa la tatu nilipata rafiki mle darasani ambaye alikuwa na kundi kama la watoto 5 hivi. Kila siku wanachanga hela (zamani hizo hela za kula shule ni 50 au 100), wakichanga watanunua miwa, vibama, mifudu na visheti kisha tunagawana. Mimi nilikuwa sipewi hela mara chache, hivyo nikienda shuleni bila hela we...
Read more

NILIVYOTOKA KUWA MUIMBA KWAYA HADI KUJIUZA NA KUKUTANA NA YESU TENA

Image
  Imesimuliwa na : AGNESS Mwandishi: CRARENCY SANGA Simu: 0742449173 YESU ASIFIWE... Mapenzi ni siraha ambayo ikiamua kutumika inaweza kuangamiza ulimwengu mzima bila hata chemb,e ya huruma. Nisikilize mimi Agness nikupitishe kwenye simulizi yangu iliyojaa milima na mabonde, pepo na asali , chungu na tamu, shubiri na asali. Naamini kuna kitu utajifunza. KIPANDE CHA KWANZA. “Kwa nini umeamua kufanya kazi hii ambayo jamii imeitenga na kuiweka kama kazi haramu”nilimuuliza baada ya kuona ukimya unazidi kutawala mule ndani “Kwa sababu wateja mpo”alinijibu huku akitabasamu “Lakini wewe ni binti mzuri mwenyewe uwezo wa kuwa na kila mwanaume unayemtaka imewezekanaje umeamua kazi hii ya kuuza utu wako”niliweka mtego wangu hapo Akaniangalia kisha akasogeza lips zake hukumkono mwingine akiwa amenishika kifua changu kisha akanipa busu papi za mdomo wangu kwa sekunde kadhaa huku akiniangalia kwa jicho la kulegea kama amekunywa kilevi kilichoanza kumzidia akasema.. “Mkaka mpole, handsome,pesa un...
Read more

USHUHUDA WA MAMA MCHUNGAJI

Image
  Bwana Yesu Asifiwe Sana... Pastor Anni Mimi ni msichana mwenye umri wa miaka 26, nimemaliza chuo kikuu nina degree yangu. Kwasasa nimejiajiri mwenyewe Nina ofisi yangu ya uwakala wa mitandao ya simu na Bank ambayo ni kubwa tu, so nina maisha yangu na ninaweza kujisimamia. Nilikutana na huyu kijana mwaka 2021 alikuwa anakuja sana kwenye ofisi yangu ya uwakala maeneo ya mwenge na alikuwa mteja wangu mkubwa tu, tukazoeana tukawa marafiki anakuja ofisini kwangu tunapiga story sana, mara zingine huninunulia lunch pela nakula aondoka. Tukawa karibu sana. Mara zote amekuwa akiniambia kuwa yeye ameokoka na ni Mchungaji ana kanisa analichunga na amekuwa akinisisitiza sana kuhudhuria ibada kanisani kwakwe. Pastor Anni Mimi nasali ila sio kihivyo nimekuwa naenda tu kwa Mwamposa kupokea upako sio mtu wa maombi kivilee, na huyu jamaa anaonekana nimtu wa maombi sana ni Mtumishi. Sio siri Mimi ni mzuri nimejaliwa nina shape nzuri, sura yangu inamvuto yani niko vizuri na ninajua kuvaa yani Mtumi...
Read more